Рӯзи 22-юми сентябр Суди олии Тоҷикистон нисбати 12 тан аз пайравони ҷараёни мазҳабии «Салафия», ки фаъолияташ аз соли 2009 дар Тоҷикистон мамнӯъ эълон шудааст, ҳукм содир кард.
Судяи Суди олии Тоҷикистон, раиси мурофиаи баррасии парванда нисбати «салафиҳо» таъкид дошт, ки пешвои гурӯҳ Карим Давлатов бар асоси моддаи 187-и КҶ ҶТ (Ташкили гурӯҳи ҷиноятпеша) ба 10 соли зиндон маҳкум шуд.
Зикр гардид, ки Юсуф Тоҳиров, Аюб Шарифов, Ҷамолиддин ва Камолиддин Лоиқовҳо, Ҳабибулло Раҳмонов, Анвар Лашкаров ва Раҳматулло Ғуломов ҳар кадоме 3-солӣ аз озодӣ маҳрум гардида, чор нафар боқимонда сокинони шаҳру мавзеи гирду атрофи Душанбе ҳар кадоме дар ҳаҷми 60 ҳазор сомонӣ ҷаримабандӣ шуданд.
