Вазири корҳои хориҷии Тоҷикистон Сироҷиддин Аслов ҷиҳати иштирок дар кори иҷлосияи 70-уми Ассамблеяи генералии Созмони Милали Муттаҳид, ки аз 21 сентябр то 5 октябр баргузор мешавад, имрӯз озими шаҳри Ню-Йорк шуд.
Бино ба маълумоти департаменти иттилооти Вазорати корҳои хориҷии ҷумҳурӣ, дар ҷараёни сафари Сироҷиддин Аслов ба шаҳри Ню-Йорк дидору гуфтушунидҳои ӯ бо вазирони корҳои хориҷии як қатор кишварҳо дар назар аст.
Қобили зикр аст, ки дар кори иҷлосияи мазкур таҳти сарварии президенти мамлакат Эмомалӣ Раҳмон ҳайати Тоҷикистон низ иштирок мекунад.
