Шаби 2 ба 3 ноябр дар яке аз дидбонгоҳҳои дастаи марзбонии «Ҳамадонӣ»-и марзи Тоҷикистону Афғонистон гурӯҳи фаврии Сарраёсати нерӯҳои марзбонии КДАМ Тоҷикистон аз кӯшиши навбатии убури ғайриқонунии марзи давлатӣ пешгирӣ карданд.
Котиби матбуотии Сарраёсати нерӯҳои марзбонии кишвар Муҳаммад Улуғхоҷаев ба «Азия-Плюс» дар ин робита иттилоъ дод, ки дар ҷараёни задухӯрди суратгирифта миёни марзбонони тоҷик ва қочоқбарони афғон марзшиканон ба қаламрави кишвари ҳамсоя паноҳ бурда, дар ҷойи ҳодиса 20 кило маводи мухаддири ҳашиш ва 1,5 кило кило героин дарёфт шудааст. Аз рӯи ин ҳодиса тафтишот ҷараён дорад.
