Дар робита ба 22-юмин солгарди Рӯзи Конститутсияи Тоҷикистон, ки ҳамасола 6 ноябр ҷашн гирифта мешавад, сокинони кишвар се рӯз пайдарпай истироҳат мекунанд.
Аз Федератсияи мустақили иттифоқҳои касабаи ҷумҳурӣ ба «Азия-Плюс» дар ин робита иттилоъ доданд, ки санаи 6 ноябр ба рӯзи якшанбеи ҳафта рост меояд ва мувофиқи меъёрҳои қонунгузории ҷумҳурӣ «Дар бораи рӯзҳои ид», ин рӯзи истироҳат ба рӯзи дигари минбаъда гузаронида мешавад.
Санаи 5 ноябр рӯзи муқаррарии тақвимии истироҳат (ба ҷуз корхонаҳое, ки рӯзи шанбе кор мекунанд) аст. Ҳамин тариқ, рӯзҳои 5, 6 ва 7 ноябр пайдарпай рӯзҳои истироҳат шуда, аз 8 ноябр рӯзи кории ҳафтаи нав оғоз мегардад.
