Ширкати миллии таҳвилгари «Қазақстан темір жолы»-и Қазоқистон охири моҳи апрел қабули як қисмате аз дархостҳоро барои транзити гази моеъ аз Русия ба Тоҷикистон тариқи қаламрави ин кишвар рад кард.
Бино ба маълумоти bizmedia.kz, чунин қарор бо дархости ширкати “Роҳи оҳани Тоҷикистон” бинобар сабаби шумори зиёди вагонҳо ва сарбории низоми нақлиёт қабул шудааст.
Дар ин пасманзар, инчунин дар натиҷаи болоравии нархҳо, охири моҳи апрел миқдори интиқолҳои якдафъаинаи гази моеъ ба Тоҷикистону Қирғизистон ва Ӯзбекистон гарон шуданд (ин интиқоли якдафъаина аст, ки газро на тибқи қарордоди дарозмуҳлат, балки бо шартҳои ҷории бозор мехаранд).
Дар тавозуни индикативии интиқолҳо миёни Русия ва Тоҷикичстон барои соли 2026 50 ҳазор гази моеъи бидуни боҷ пешбинӣ шудааст. Агар ин ҳаҷм аллакай дар моҳи май ба охир расад, нархи сӯзишворӣ боз ҳам зиёдтар боло меравад.
Ҳамчунин зикр мегардад, ки ширкати бузургтарини таҳвилгар ба Тоҷикистон – «Тенгизшевройл» ҳеҷ як миқдори якдафъаинаро дар моҳи майи нафиристод.
Қобили зикр аст, ки аз 1 то 27 апрел ба Тоҷикистон ҳудуди 25,7 ҳазор тонна гази моеъ ворид карда шуда, аз ин ҳаҷм 20,7 ҳазор тоннааш ба ҳиссаи «Тенгизшевройл» рост меояд.
