Ҳаракати нақлиёт дар чорроҳаи кӯчаи Карамов дар хиёбони Рӯдакии шаҳри Душанбе (наздикии Донишгоҳи аграрии Тоҷикистон) то 5-уми март қатъ карда мешавад. Дар ин бора аз маркази матбуоти мақомоти шаҳрдорӣ иттилоъ доданд.
Раиси шаҳри Душанбе ба мақомоти дахлдори пойтахт супориш додааст, ки то ба охир расидани корҳои сохтмонӣ дар чорроҳаи мазкур, ҳаракати нақлиёт, махсусан нақлиёти ҷамъиятӣ тариқи роҳҳои дигар таъмин карда шавад.
Тибқи супориши раиси шаҳр, мақомоти шаҳрдорӣ вазифадор шудаанд, ки дар минтақаи мазкур ҳаракати мунтазами нақлиёти ёрии таъҷилии тиббӣ, милиса ва хадамоти оташнишониро таъмин намоянд.
Шуъбаи БДА-и Раёсати ВКД дар шаҳри Душанбе вазифадор карда шудааст, ки ҳаракати нақлиётро тариқи роҳҳои дигар роҳандозӣ намуда, амнияти шаҳрвандон ва ҳаракати мошинҳо дар роҳҳоро таъмин кунанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
