Раиси вилояти Хатлон Қурбон Ҳакимзода дар бораи ҷудо намудани 129 ҳазор сомонӣ аз буҷети вилоят барои ҳавасмандсозии иштирокчиёну маъюбони Ҷанги Бузурги Ватанӣ қарор ба имзо расонид.
Бино ба иттилои дафтари матбуоти ҳукумати вилояти Хатлон, ба муносибати ҷашни 74-умин солгарди Ғалаба бар фашизм ба ҳар кадоме аз иштирокчиён ва маъюбони ҷанги вилоят 1 ҳазору 500 сомонӣ кумаки молии якдафъаина ҷудо карда мешавад.
Қобили зикр аст, ки айни замон дар вилояти Хатлон 86 нафар собиқадорони Ҷанги Бузурги Ватанӣ зиндагӣ мекунанд.
Ҳамчунин аз ҷониби раисони шаҳру ноҳияҳо, муассисаҳои давлатӣ ва соҳибкорони маҳаллӣ низ ба собиқадорони ҷанг кумак расонида хоҳад шуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
