Нӯҳ кӯдаки гирифтори бемории дил аз Тоҷикистон, ки дар шаҳри Тсиндаои Чин ройгон ҷарроҳӣ шуданд, ба ватан баргаштанд. Табибон мегӯянд, ҷарроҳии онҳо хуб гузашт ва вазъи саломатиашон беҳтар аст. Худи кӯдакон хушҳоланд, ки акнун мисли дигар ҳамсолони худ бе мушкилӣ нафас мекашанд ва бозӣ мекунанд.
Ин иқдом аз сӯйи Маркази ташхисию табобатии Чину Тоҷик амалӣ шуд. “Азия-Плюс” баъди баргаштани кӯдакону наврасон аз Чин аз волидайни кӯдакон ва масъулин дар хусуси саломатии он пурсон шуд.
Ҷарроҳӣ чӣ гуна гузашт ва кӯдакон худро чӣ гуна ҳис мекунанд, дар гузориши мо тамошо кунед:
Ин бори аввал нест, ки ин марказ кӯдакони бемори дили тоҷикро барои табобати ройгон ба Чин мебарад. Соли гузашта ҳам онҳо 10 кӯдаки тоҷикро барои ҷарроҳӣ ба Чин бурда буданд.
