Дар Тоҷикистон озмуни ҷумҳуриявии “Табиби сол – 2026” шуруъ шудааст ва то моҳи сентябр идома меёбад. Озмун аз рӯи чанд номина баргузор шуда, ғолибон бо ҷоиза ва 15 ҳазор сомонӣ қадрдонӣ мешаванд.
Вазорати тандурустӣ ва ҳифзи иҷтимоии аҳолии мегӯяд, ҳадафи озмуни “Табиб сол – 2026” ба “баланд бардоштани сатҳи касбият, ҳавасмандгардонии табибон ва қадрдонии онҳо дар рушди соҳаи тандурустии кишвар” равона шудааст.
Ба иттилои ин ниҳод, номинаи асоси озмун “Табиби сол” буда, барои ихтисосҳои асосии дармонӣ (терапевтӣ), клиникӣ ва ҷарроҳӣ пешбинӣ шуда, инчунин табибони озмоишгоҳӣ, мутахассисони соҳаи тадқиқоти дастгоҳӣ (инструменталӣ) низ метавонанд ширкат кунанд.
Дар озмун ҳам табибони муассисаҳои тиббии давлатӣ ва ҳам хусусӣ метавонанд, иштирок кунанд.
Ба иттилои масъулони ин озмун, хусусияти хоси озмуни иштироки фаъоли аҳолӣ буда, сокинони кишвар низ метавонанд табибон-иштирокчиёни озмунро бо гузоштани фикру мулоҳизаи худ дар сомонаи озмун samt.tj дастгирӣ кунанд.
Озмун дар се марҳала баргузор мегардад:
Аз рӯзи оғоз то 30-юми июн:
– бақайдгирии табибони иштирокчиён дар сомонаи Озмун;
– пешниҳоди мақолаҳои тиббии илмӣ омавии табибон аз рӯи ихтисоси худ ва дар алоҳидаги пешниҳоди маълумот бо дастовардҳо ва – навовариҳои касбии табибон тариқи почтаи электронии озмун;
– пешниҳоди варақаи касбӣ бо дастовардхои эпидемиологҳо, фарматсевтон, кормандони ташкилотҳои ҷамъиятии маҳаллӣ ва низоми ҳифзи иҷтимоии аҳолӣ тариқи почтаи электронии озмун;
Аз рузи оғоз то 30-юми июл:
– нашри мақолаҳои тиббии илмӣ омавии табибон бо муаррифии дастовардҳо ва навовариҳои касбии табибон дар варақаҳои Facebook-и озмун;
– ҷамъоварии фикру мулоҳизаҳои (отзыв) аҳолӣ ба табибон, ки дар сомонаи озмун ҷойгир мешаванд;
- – ҷамъоварии баҳогузории ҳамкасбон, коршиносон ва аҳолӣ ба мақолаҳои тиббии илмӣ омавии табибон, ки дар варақаҳои Facebook-и озмун ҷойгир мешаванд;
Аз 1-уми июл то 30 -юми август:
– баҳогузории муаррифии дастовардҳо ва навовариҳои касбии иштирокчиён бо ҳайати ҳакамони озмун иборат аз коршиносони миллӣ ва мутаҳассисони пешбари соҳавӣ;
- – интиҳоби ғолибон;
Сентябр:
маросими ниҳоии тақдим ва ҷоизасупорӣ.
Ғолибон бо ҷоиза ва 15 ҳазор сомонӣ қадрдонӣ мешаванд.
