Русия Светлана Тихановская номзади мавриди ҳимояти эътирозгарони Белорусро дар қаламрави худ мавриди ҷустуҷӯ қарор додааст.
Ба иттилои ТАСС мақомоти интизомии Русия гуфтаанд, ки ба далели ин ки бону Тихановская дар Белорус дар ҷустуҷӯйи байналмилалӣ қарор дорад, мо бо Белорус шартномаи байнидавлатӣ дорем ва аз ин хотир Русия ҳам ӯро дар ҷустуҷӯй қарор дод.
Номи Тихановская дар пойгоҳи додаҳо (маълумот)-и ҷустуҷӯйии ВКД Русия ворид шудааст.
Манбаъи ТАСС дар мақомоти интизомии Русия гуфтааст, ки Тихановская дар ҷустуҷӯйи байналмилалӣ қарор надорад, танҳо Белорус ӯро меҷӯяд.
Мавриди ҷустуҷӯ қарор додани Светлана Тихановская дар Русияву Белорус дар ҳолест, ки ӯ баъди интихобот ба Литвия фирор карда буд ва рӯзҳои ахир бо чанде аз мақомҳои Иттиҳодияи Аврупо ва сарони кишварҳои аврупоӣ, аз ҷумла Имонеул Макрон раисҷумҳури Фаронса ва Ангело Меркел садри аъзами Олмон дидор дошт.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
