Беҳном Бонӣ, овозхони шинохтаи эронӣ 3 сентябр дар «Амфитеатр»-и Душанбе барномаи консертии зинда баргузор мекунад. Дар ин бора пойгоҳи фурӯши онлайнии чиптаҳо – “Тикетон” иттилоъ медиҳад.
Дар «Амфитеатр» низ баргузории барномаи консертии ин овозхони эрониро тасдиқ карданд.
Бар асоси эълони “Тикетон” барномаи консертӣ соати 19:00 оғоз шуда, 2 соат идома мекунад ва нархи чиптаҳо аз 300 то 400 сомонӣ муқаррар шудааст.
Гуфтан ба маврид аст, ки Беҳном Бонӣ яке аз овозхонҳои машҳури эронӣ аст, ки дар Тоҷикистон, махсусан миёни ҷавонон ҳаводорони зиёд дорад.
