Душанбе. 23-юми апрел. ОИ «Азия-Плюс» – Имрӯз дабири кулли Созмони Аҳдномаи амнияти дастаҷамъӣ Николай Бордюжа бо сафари кории дурӯза ба шаҳри Душанбе меояд.
Чӣ тавре ки аз департаменти иттилооти Вазоарти умури хориҷии ҶТ ба ОИ «Азия-Плюс» хабар доданд, дар ҷараёни сафар дидору гуфтушуниди Николай Бордюжа бо котиби Шӯрои амнияти ҶТ Амирқул Азимов, вазири умури хориҷии ҶТ Ҳамрохон Зарифӣ, вазири мудофиаи ҶТ Шералӣ Хайруллоев, раиси Кумитаи давлатии амнияти миллии ҷумҳурӣ Хайриддин Абдураҳимов, вазири умури дохилӣ Абдураҳим Қаҳҳоров ва раиси Кумиати ҳолатҳои фақулодда ва мудофиа граждании ҶТ Ҳайбулло Латифов дар назар аст.
Бино ба иттилои манбаъ, дар гуфтушунидҳо баррасии масъалаи таъсиси Нерӯҳои зудамали созмон ва вазъи сиёсиву низомии минтақаи Осиёи Марказӣ ва Афғонистон ба нақша гирифта шудааст.
