Душанбе. 23юми феврал. ОИ «Азия-Плюс» – 23-уми феврали соли 2009 дар Мақомоти иҷроияи маҳаллии ҳокимияти давлатӣ дар шаҳри Душанбе таҳти раёсати Маҳмадсаид Убайдуллоев ҷаласаи корӣ баргузор гардид.
Дар ҷаласа масоили истифодаи мақсаднок ва ба иҷорадиҳии моликияти коммуналӣ, ҳолати хизматрасонии нақлиёти мусофиркашонии ҷамъиятӣ ва шикояти мусофирон, вазъи санитариву экологии шаҳр ва партовгоҳи шаҳриву мошинҳои партовкашон, таъмиру таҷдиди роҳҳои пойтахт, ҷалби васеи аҳли ҷамоатчигӣ ва роҳбарони тамоми субъектҳои хоҷагидор дар маъракаи 900- рӯзи ободонии Душанбе ба ифтихори 20- солагии Истиқлолият, инчунин ҷараёни корҳои омодагӣ ба баргузории мулоқоти Роҳбарияти шаҳр бо соҳибкорони пойтахт, ки 14-уми марти соли 2009 ба нақша гирифта шудааст, мавриди баррасӣ қарор дода шуд.
Қабл аз ҳама Маҳмадсаид Убайдуллоев таваҷҷӯҳи масъулини соҳаи нақлиёти шаҳрдориро ба он нигаронид, ки
бо вуҷуди мавриди татбиқ қарор додани Қарори Раиси шаҳр №39 аз 5 феврали соли 2009 « Дар
бораи
таъмини
ҳаракати
бехатарии
нақлиёти автомобилии мусофиркаш ва танзими онҳо дар роҳҳои автомобилгарди
истифодаи
умуми
шаҳри
Душанбе», ки дар асоси он аз 9 феврали соли 2009 ҳаракати воситаҳои нақлиёти автомобилии навъи сабукрави дорои то 7 (ҳафт) ҷои нишаст (ба истиснои ҷои нишасти ронанда), аз он ҷумла тамғаҳои «Дамас», «Чанху», «Хафей» ва ғайра, ки тавассути онҳо фаъолияти мусофиркашон
ӣ
ба анҷом расонда мешавад, дар хиёбонҳои И.Сомон
ӣ
(аз чорроҳаи И.Сомон
ӣ
-Ғафуров то бурриши хиёбони Рӯдак
ӣ
), Н.Қарабоев (аз бурриши кӯчаи А.Фирдавс
ӣ
то бурриши кӯчаи С. Шероз
ӣ
(Сирк)-и пойтахт), манъ карда шудааст, мувофиқ ба шикояти шаҳрвандон риояи реҷаи ҳаракати автобусҳо дар хатсайрҳо то ҳол таъмин карда нашуда, баъд аз соати 18-00 теъдоди зарурии автобусу троллейбусҳо барои хизматрасонӣ дар хатсайрҳо сафарбар карда намешаванд.
Дар ин зимн фаъолияти анҷомдодаи директори КВД «Душанбенақлиётхадамотрасон» Ҳамидов Раҳматулло оид ба таъмини барориши воҳидҳои нақлиётӣ ва назорати риояи ҳаракати онҳо дар хатсайрҳо ғайриқаноатбахш арзёбӣ гардида, вазифадор карда шуд, ки дар мӯҳлати ду ҳафта нуқсонҳои ҷойдоштаро рафъ намуда, нисбати дар истгоҳҳои нақлиётӣ хилофи реҷаи ҳаракат беш аз меъёр аз ҷониби ронандагон нигоҳ доштани автобусҳо, ки ин амалкард боиси норизогии мусофирон гардидааст, тадбирҳои таъхирнопазир андешад.
Ҳамзамон дастур гардид, ки бо мақсади дақиқ намудани воқеияти рақамҳои ҳамарӯзаи ҳисоботӣ дар кору фаъолияти соҳа ҳолати хизматрасонӣ дар 72 хатсайрҳои мавҷудаи КВД «Душанбенақлиётхадамотрасон» бо истифода аз потенсиали комиссияҳои депутативу ҷамъиятӣ мавриди санҷиш қарор дода шавад. Бобати ташкили шароити хуби мусофиркашонӣ ва бо инобати аз моҳи март ба хатсайрҳо сафарбар намудани 150 адад автобусҳои нав фаъолияти корхонаҳои коммуналии мусофирбарӣ дар ду баст ба нақша ва амалӣ карда шавад. Муқаррар карда шуд, ки хизматрасонӣ дар басти дуюм барои автобусҳо то соати 22-00 ва барои троллейбусҳо то соати 23-00 роҳандозӣ гардад.
Ҷиҳати дастгирии соҳибкорӣ дар ин
самт Маҳмадсаид Убайдуллоев эълон дошт, ки баҳри сохтмони терминалҳои мусофиркашонӣ дар ҳудуди
4 дарвозаҳои даромадгоҳи шаҳри Душанбе дархостҳои ташаббусии соҳибкорон аз ҷониби шаҳрдорӣ қабул карда мешавад. Дар ин бора сухангӯи раиси шаҳри Душанбе Шавкат Саидов хабар дод.
