Душанбе. 5-уми май. ОИ «Азия-Плюс» – Сардори маркази обуҳавошиносии муассисаи давлатии обуҳавосанҷӣ Ҷамила Байдуллоева дар сӯҳбат роҷеъ ба вазъи номусоиди обу ҳавои имрӯза ба хабарнигори ОИ «Азия-Плюс» гуфт, рӯзҳои офтобиро дар Тоҷикистон танҳо шурӯъ аз рӯзи 11-уми май метавон интизорӣ дошт. «Дар маҷмӯъ, моҳҳои апрел-май ҳаҷми боришот аз меъёри муқаррарӣ 1,5-2 баробар зиёдтар буд», – гуфт ӯ.
Ба гуфтаи ӯ, рӯзҳои наздик обуҳавои тағйирёбанда дар назар дошта шуда, имконияти боришот 30-40 дарсадро ташкил медиҳад. Рӯзи ҷашни Иди Ғалаба дар шаҳри Душанбе ҳавои абрнок пешбинӣ гардидаааст. Рӯзҳои 11-12-уми май офтобӣ буда, вале шоми 13-уми май обуҳаво тағйир меёбад ва боз боридани борон дар назар аст. Ҳарорати миёна дар моҳи май ба +20С баробар хоҳад буд.
