Душанбе. 5-уми май. ОИ «Азия-Плюс» – Дар пешорӯи таҷлили ҷашни 64-умин солгарди Ғалаба дар Ҷанги Бузурги Ватанӣ дар ҷумҳурӣ таҳти шиори «Ман дар хотир дораму ифтихормандам» аксияи «Лентаи Георгиевӣ» шурӯъ гардид.
Яке за ташаббусорони аксия, роҳбари гурӯҳи телевизионии пойгоҳи низомии Русия майор Рафаэл Усмонов дар ҷамъи рӯзноманигорон изҳор дошт, ки чанде қабл тавассути ҳавопаймо ба Тоҷикистон 2 ҳазор «лентаҳои георгиевӣ» оварда шуда, он дар муддати ду рӯз ба сокинони пойтахти Тоҷикистон тақсим карда мешавад.
Ёдрас мекунем, ки соли равон аз номи президенти Тоҷикистон ба собиқадорони ҷанг, ки қариб 2 ҳазор нафаранд, ба маблағи 350 сомонӣ ба ҳар кадоме кӯмак расонида мешавад. Раиси шаҳри Душанбе низ ба собиқадорони ҷанги пойтахт
ба ҳамин миқдор маблағ кӯмакпулӣ ҷудо кард. Иқдомоти мазкур аз ҷониби мақомоти маҳаллии ҳокимияти давлатӣ, корхонаву ташкилот ва шахсони алоҳида низ дастгирӣ хоҳад ёфт.
Қобили зикр аст, ки дар ҶБВ 280 ҳазор нафар намояндагони Тоҷикистон иштирок карда, аз ин миқдор ҳар чаҳорум нафари онҳо ҷони худро аз даст доданд. 55 нафар тоҷикистониён ба унвони Қаҳрамони Иттиҳоди Шӯравӣ сазовор дониста шуданд.
