Душанбе. 30-уми июл. ОИ «Азия-Плюс» – Чанде қабл дар шаҳри Душанбе миёни мақомоти роҳбарии шаҳрдории пойтахт, Вазорати молияи Тоҷикистон ва Бонки таҷдиду рушди Аврупо (БТРА) созишномаи қарзӣ ва кафолатноки лоиҳаи БТРА оид ба идоракунии партовҳои сахти маишии пойтахт ба имзо расид.
Аз намояндагии бонк дар ҷумҳурӣ иттилоъ доданд, ки Бонки таҷдид ва рушди Аврупову ҳукумати Нидерланд ҷиҳати беҳсозии идоракунии партовҳои сахти маишии пойтахт ҳар яке ба маблағи
$4 млн. сармоягузорӣ мекунанд.
Зикр гардид. ки дар чаҳорчӯбаи татбиқи лоиҳа барномаи устувори идоракунии партовҳои сахи маишии шаҳри Душанбе таҳия гашта, самтҳои афзалиятноки беҳсозии низоми кашонидани партовҳо ва бозсозии партовгоҳҳои мавҷуда низ маблағгузорӣ карда мешаванд.
