Душанбе. 11-уми сентябр. ОИ «Азия-Плюс» – Имрӯз дар шаҳри Иркутски Русия иштирокчиёни Шӯрои тиҷоратии Созмони Ҳамкории Шанхай (СҲШ) аз нишасти созмон, ки дар таърихи 28-уми август дар Душанбе доир гардид, натиҷагирӣ мекунанд. Қобили зикр аст, ки ҷаласаи навбатии шӯро дар доираи Форуми
V
-уми иқтисодии Байкал баргузор мешавад.
Тибқи иттилои хадамоти матбуотии форум, иштирокчиёни ҷаласа масоили фаъолияти сохторҳои ҳифзи солимӣ дар кишварҳои узв, татбиқи лоиҳаҳои муштараки энергетикӣ, густариши ҳамкориҳо дар бахши кишоварзӣ, табодули таҷрибаи андӯхта дар соҳаҳои рушди фаъолияти суғурта, лоиҳаҳои амалисозии татбиқ ва дастгирии лоиҳаҳои навоварӣ ва ғайраро мавриди баррасӣ қарор хоҳанд дод.
Мувофиқи маълумоти Палатаи савдо ва саноати ҷумҳурӣ, Тоҷикистонро дар ҷаласаи шӯро раиси қисмати миллии Шӯрои тиҷоратӣ аз Тоҷикистон, раиси палата Шарифи Саид намояндагӣ мекунад.
