Душанбе. 26-уми сентябр. ОИ «Азия-Плюс» – Дар шаҳри Душанбе маросими ба имзо расидани Ёддошти тафоҳум миёни Агентии Иёлоти Муттаҳидаи Амрико (ИМА) оид ба ҳамкории байнулмилалӣ (USAID) ва Вазорати тандурустии Тоҷикистон дар бораи таҳкиму густариши ҳамкориҳо баргузор мешавад.
Аз Вазорати тандурустии ҷумҳурӣ ба ОИ «Азия-Плюс» хабар доданд, ки санадро директори минтақавии агентии ИМА Уилям Фрей ва вазири тандурустии Тоҷикистон Нусратулло Салимов имзо хоҳанд кард.
