Душанбе. 20-уми октябр. ОИ «Азия-Плюс» – Бо супориши вазири нақлиёт барои тезонидани корҳо дар нақби «Истиқлол» панҷ бригадаи нав ташкил карда шуд.
Бино ба маълумоти Вазорати нақлиёт ва коммуникатсияи ҷумҳурӣ, айни замон коргарон ба бетонрезии нақби ҳавогузар машғул мебошанд. «Дар ин ҷо то анҷоми кор ҳудуди
600 метр
масофа боқӣ мондааст ва коргарон ҳамарӯза то
27 метр
акбро бетонпӯш мекунанд», – изҳор дошт манбаъ.
Зикр гардид, ки анҷоми корҳои сохтмонӣ дар таърихи 15-уми ноябри соли ҷорӣ ба нақша гирифта шудааст. Ёдрас мекунем, ки бо супориши президенти Тоҷикистон баҳри халал нарасонидан ба корҳои сохтмончиён аз 12-уми сентябри соли ҷорӣ ҳаракати нақлиёт дар нақби «Истиқлол» манъ карда шуда буд ва сохтмончиён ба сарвари давлат ваъда дода буданд, ки дар муддати 35 рӯз ҳамаи корҳои пешбинишударо ба анҷом мерасонанд. Дар ҳамин ҳод, тибқи иттилоъ аз сарчашмаҳои мӯътамади ОИ «Азия-Плюс», сарфи назар аз манъи ҳаракати нақлиёт тавассути нақб то 25-уми октябр, сохтмончиёни тоҷику эронӣ бо пардохти музди муайяне ба ҳаракати нақлиёт иҷоза медиҳанд ва шабона аз 40 то 50 мошин аз нақб мегузарад.
