Душанбе. 17-уми ноябр. ОИ «Азия-Плюс» – Имрӯз дар шаҳри Бишкек давраи тирамоҳии «Мактаби худидорукунии маҳаллӣ» барои донишҷӯён аз Тоҷикистону Қирғизистон оғоз мегардад.
Тавре ба ОИ «Азия-Плюс» аз Институти ҷомеъаи кушод – Бунёи мадад – Тоҷикистон хабар доданд, чорабинии якҳафтаина дар доираи барномаи «Худидоракунии маҳаллӣ»-и Институт дар якҷоягӣ бо «Маркази технологияҳои ҷамъиятӣ» ташкил гардида, марҳилаи навбатии татбиқи лоиҳаи «Мактаби таҳқиқоти шаҳрдорӣ ва тахнологияҳо» ба ҳисоб меравад.
Ба гуфтаи манбаъ, мақсади асосии лоиҳа, эҷоди замина барои такмили сифати омодагии технологии мутахассисон дар риштаи менеҷмент барои мақомоти идора ва худидоракунии маҳаллӣ ва анҷоми корҳои таҳлилӣ мебошад.
Ба ҳайси шунавандагони лоиҳа, дар асоси озмун 12 донишҷӯ аз макотиби гуногуни олии Тоҷикистон интихоб гардиданд. Татбиқи лоиҳа моҳи январи соли ҷорӣ оғоз гардид. Дар доираи он иштирокдорон доир ба ҷанбаҳои мухталифи худидоракунии маҳаллӣ пажӯҳишҳои таҳлилӣ анҷом доданд.
