Душанбе. 9-уми январ. ОИ «Азия-Плюс» – Соли гузашта дар Тоҷикистон аз муомилоти ғайриқонунӣ беш аз 6 тонна маводи мухаддир мусодира карда шуд, ки миқдори зиёди он – 3 тоннаву 381 килояш маводи мухаддири гурӯҳи афюн (1 тоннаву 636 кило ҳероин, 1 тоннаву 745 кило афюн ва 1 тоннаи дигар маводи ин гурӯҳ), 2 тоннаву 700 килояш маводи мухаддири гурӯҳи каннабис буда, 173 килои онро прекурсорҳои истеҳсоли ҳероин ташкил медиҳанд.
Тавре аз Маркази таҳлилии Агентии назорати маводи нашъаовари назди президенти Тоҷикистон ба ОИ «Азия-Плюс» хабар доданд, соли 2007 нисбатан камтар – 5 тоннаву 270 кило маводи мухаддир мусодира гардида буд.
Ба иттилои манбаъ, соли 2008 аз ҷониби кормандони Вазорати умури дохилии ҷумҳурӣ – 2 тоннаву 700 кило, Агентии назорати маводи нашъаовар – 1 тоннаву 316 кило, марзбонон –
1 тоннаву 133 кило, Кумитаи давлатии амнияти миллӣ – 841 кило ва хадамоти гумруки ҷумҳурӣ – 91 кило маводи мухаддир мусодира карда шуд.
