Душанбе. 7-уми феврал. ОИ «Азия-Плюс» – Бонки рушди Авруосиё дар чаҳорчӯбаи Фонди зиддибӯҳронӣ лоиҳаҳои байнидавлатии кишварҳои узви Иттиҳоди иқтисодии АвруОсиёро (ЕврАзЭС) маблағгузорӣ хоҳад кард. Дар ин бора хадамоти матбуоти бонк хабар медиҳад.
Дар иттилои бонк гуфта мешавад, бо қарори Шӯрои байнидавлатии ЕврАзЭС, истифодаи воситаҳои Фонди зиддибӯҳронӣ аз ҷониби Шӯрои фонд дар ҳамдастӣ бо Бонки рушди АвруОсиё амалӣ мегардад.
Ба ҳайати Шӯрои фонд вазирони молияи кишварҳои узв шомил гардида, ҳаҷми сармояи он эквиваленти 10 млрд $ аст. Ғайр аз ин, бонк ваколатдор мешавад, аз ҳисоби воситаҳои фонд ба лоиҳаҳои байнидавлатӣ қарз ҷудо намояд.
