Душанбе. 19-уми феврал. ОИ «Азия-Плюс» – Дар Мусобиқоти
XIII
-уми кушоди қаҳрамонии Белорус оид ба самбо барои дарёфти ҷоизаҳои президенти Белорус варзишгари тоҷик соҳиби медали тилло гашт.
Тавре ба ОИ «Азия-Плюс» аз Кумитаи ҷавонон, варзиш ва сайёҳии ҷумҳурӣ хабар доданд, дар вазни 57 кило медали тилло насиби самбочии тоҷик Олим Зикаев шуд. Ба иттилои манбаъ, мусобиқоти мазкур мақоми яке аз чаҳор марҳилаҳои Ҷоми ҷаҳон оид ба самборо дорад.
Дар мусобиқа намояндагони беш аз 15 кишвари ҷаҳон ширкат варзида, дар қувваозмоии даставӣ Русия бо 4 медали тилло, 4 нуқра ва 8 биринҷӣ мақоми аввалро ишғол кард. Варзишгарони белорус 4 медали тилло ба даст оварда, як медали дараҷаи олӣ насиби варзишгари тоҷик гашт.
