Душанбе. 14-уми март. ОИ «Азия-Плюс» – Дар фурудгоҳи пойтахт кормандони мақомоти гумрук аз кӯшиши навбатии интиқоли маводи мухаддир ба шаҳри Маскав ҷилавгирӣ карданд.
Тавре аз Хадамоти гумруки назди ҳукумати ҷумҳурӣ ба ОИ «Азия-Плюс» хабар доданд, зимни азназаргузаронии бағочи мусофирон аз ду борхалтаи варзишии сокини 25-солаи пойтахт З.Э. 2 килову
528 грамм
маводи сахттаъсири ҳероин дарёфт ва мусодира карда шуд.
Ғайр аз ин, зимни баргузории амалиёти вижаи кормандони мақомоти ҳифзи ҳуқуқи вилояти Суғд дар шаҳриХуҷанд сокини бекори ноҳияи Ҷаббор Расулов Лутфулло Ғафуров боздошт гардид. Ошкор шудааст, ки ӯ аз 5 то 11-уми март дар қаламрави ноҳияи Бобоҷон Ғафуров дар се марҳила беш аз 61 кило ҳашишро ба савдо задааст.
Аз рӯи далелҳлои зикргардида парвандаи ҷиноӣ боз гардида, тафтишот идома дорад.
