Душанбе. 28-уми март. ОИ «Азия-Плюс» – Вазорати фарҳанги ҷумҳурӣ ба идомаи намоиши спектакли Барзу Абдураззоқов «Ҷунун. Соли 93» иҷоза дод.
Шурӯъ аз пагоҳ намоиши спектакли мазкур дар саҳнаи театри драмавии русии ба номи В.Маяковский идома меёбад. Пас аз нахустнамоиши спектакл вазорат намоиши минбаъдаи онро манъ карда буд.
Чӣ тавре ки худи коргардон Б.Абдураззоқов ба ОИ «Азия-Плюс» хабар дод, чанде қабл ӯ бо мақомоти раҳбарии вазорати фарҳанг ва намояндагони Дастгоҳи иҷроияи президенти Тоҷикистон дар ин хусус мулоқот кардаааст. «Сӯҳбати мо ду соат давом кард ва дар анҷом мо ба мувофиқа расидем», – гуфт ӯ.
Б.Абдураззоқов афзуд, баъе аз ҷузъиёти саҳнаҳои спектакл ихтисор шудаанд, ки он ба моҳият ва ҳадафи он ҳеҷ дигаргуние ворид насохтааст.
