Душанбе. 6-уми апрел. ОИ «Азия-Плюс» – Намояндагони «Сегона» (Тройка)-и Иттиҳоди Аврупо оид ба масъалаҳои сиёсати умумии хориҷӣ ва амниятии иттиҳод ва намояндаи махсуси ваколатдори ИА оид ба Осиёи Марказӣ Пйер Морел ба Душанбе омаданд.
Тавре роҳбари департаменти иттилооти Вазорати умури хориҷии ҷумҳурӣ Давлат Назриев ба ОИ «Азия-Плюс» хабар дод, дар ҷараёни сафар намояндагони ИА бо вазири умури хориҷии ҶТ Ҳамрохон Зарифӣ, мушовирони давлатии президенти Тоҷикистон оид ба масоили байнулмилалӣ Эркин Раҳматуллоев,
иқтисодӣ Матлубхон Давлатов, сиёсати ҳуқуқӣ Зариф Ализода ва ҳамчунин мақомоти раҳбарии Кумитаи давлатии амнияти миллӣ дидору гуфтушунид хоҳанд кард.
