Душанбе. 5-уми май. ОИ «Азия-Плюс» – Сардори маркази матбуоти Вазорати мудрфиаи ҶТ Фаридун Маҳмадалиев дар сӯҳбат бо хабарнигори ОИ «Азия-Плюс» изҳор дошт, ки соли равон дар шаҳри Душанбе ба ифтихори таҷлили ҷашни 64-умин солгарди Рӯзи Ғалаба дар ҶБВ гузашти низомӣ баргузор намегардад. Ӯ гуфт, рӯзи 9-уми май дар боғи Ғалабаи пойтахт вохӯрии мақомоти раҳбарии вазорати мудофиа бо собиқадорони ҶБВ доир гардида, сипас вазири мудофиа Шералӣ Хайруллоев бо собиқадорон ба пояи лавҳаи хотираи ҷанговарони фавтида гулчанбар мегузоранд.
Ф.Маҳмадалиев афзуд, чун собиқадорони ҶБВ ҳама пиронсоланд, иштирок дар гузашти низомӣ барои аксари онҳо хеле мушкил аст. «Аз ин рӯ, тасмим гирифта шуд, ки гузашти низомӣ доир карда нашавад ва ин қарор ба бӯҳрони молӣ ҳеҷ дахле надорад», – гуфт ӯ.
