Хуҷанд. 6-уми май. ОИ «Азия-Плюс» – Муҳоҷирони меҳнатии ба Суғд баргашта, ки синну солашон ба даъват ба хизмати ҳарбӣ мувофиқ аст, сафи наваскаронро меафзоянд.
Муовини комиссари низомии вилояти Суғд Носир Тошматов дар сӯҳбат бо хабарнигори ОИ «Азия-Плюс» изҳор дошт, ки чунин вазъ ба онҳо барои иҷрои нақшаи даъват кӯмак мерасонад.
«То 3-уми май нақшаи даъват ба хизмати ҳарбӣ дар минтақаи шимоли ҷумҳурӣ ба андозаи 86 дарсад ба иҷро расид, ки дар муқоиса бо соли гузашта беш аз 20 дарсад зиёдтар аст», – гуфт ӯ.
