Душанбе. 7-уми май. ОИ «Азия-Плюс» – Мақомоти раҳбарии ҶСК «Нерӯгоҳи Сангтӯда-1» аз напардохтани қарзи мавҷудаи ШСХК «Барқи тоҷик» ба ҷамъият изҳори ташвиш менамояд.
Тибқи иттилои расида ба ОИ «Азия-Плюс» аз ҶСК «Нерӯгоҳи Сангтӯда-1», феълан қарзи ширкат дар назди нерӯгоҳ ба 70 млн. сомонӣ расидааст. «Ваъдаҳои ҷониби Тоҷикистон то ҳол роҳи ҳалли худро пайдо накардаанд, вале қарз рӯз то рӯз зиёд шуда, чунин вазъ дар пардохти андоз ва музди меҳнати коргарон мушкилиҳо эҷод месозад», – гуфт манбаъ.
Бо таъкиди саривақт ба анҷом расондни сохтмони иншоот ва то нимаи ҳамин моҳ ба истифода додани он дар ҷамъият зикр карданд, ки «айни замон корҳои сохтмонӣ аз ҳисоби воситаҳои худи ҷамъият анҷом дода мешаванд, вале воситаҳо низ рӯзе ба охир мерасанд».
