Душанбе. 11-уми май. ОИ «Азия-Плюс – Мутахассисон тайёрии муассисаҳои фарҳангро дар шароити бўҳрони молиявӣ муҳокима карданд.
Аз 4 то 8 май дар Китобхонаи давлатии патентӣ-техникӣ бо ташаббус ва дастгирии молиявии барномаи «Фарҳанг ва ҳунар»-и Институти «Ҷамъияти Кушода» Бунёди Мадад дар мавзўи «Системаи идоракунии маркетингии муассисаҳои фарҳанг» семинар баргузор гардид.
Чӣ тавре ки ҳамоҳангсози барнома Гуландом Набиева ба ОИ «Азия-Плюс» хабар дод, дар кори семинар мутахассисони пешбари Вазорати фарҳанги ҶТ, Раёсатҳои фарҳанги шаҳрҳои Кўлоб, Қўрғонтеппа, Хоруғ, Хуҷанд, намояндагони ташкилотҳои ҷамъиятии соҳаи фарҳанг ва ҳунар, мутахассисони китобхонаҳо ва донишҷўёни Донишкадаи давлатии санъати Тоҷикистон ба номи М. Турсунзода иштирок карданд. Сессияи тренингиро фарҳангшиносони Академияи давлатии фарҳанг ва санъати Челябинск Устимчик М.В.- мудири кафедраи иқтисод ва идора дар соҳаи санъат. Номзади илми таърих, дотсент ва Штихван В.Н. – мудири шӯъбаи маркетинги китобхонаи илмӣ- универсалии Челябинск баргузор намуд.
Дар чорабинӣ масъалаҳои асосҳои маркетингии фаъолияти муассисаҳои фарҳанг,
комплекси маркетинг дар китобхона,
дараҷаи таҳлили илмии проблемаҳои татбиқи маркетинг дар соҳаи фарҳанг, ҷанбаҳои маркетингии фаъолияти бозори фарҳанг ва хусусиятҳои раванди идоракунии маркетингии муассисаҳои фарҳанг баррасӣ карда шуданд.
Мақсади лоиҳа – ба кормандони соҳаи фарҳанг омўзондани хусусиятҳои идоракунии маркетингӣ дар риштаи иҷтимоию фарҳангӣ, ҳалли оқилонаи проблемаҳо, усулҳои пешгўикунӣ, арзёбии натиҷаҳои меҳнат дар идоракунӣ, хусусиятҳои идоракунии кормандон ва муваффақиятнокии идоракунӣ мебошад.
Лоиҳа аз сабаби ба вуҷуд омадани зарурати тайёркунии муассисаҳои фарҳанг ба кор дар шароити бўҳрони моливии ҷаҳонӣ ташкил карда шуд.
