Душанбе. 12-уми май. ОИ «Азия-Плюс» – Бонки миллии Тоҷикистон меъёри бозтамвилро (рефинансирование) ба андозаи 2 дарсад поин бурд.
Чӣ тавре ки ба ОИ «Азия-Плюс» аз бонки мазкур хабар доданд, меъёри бозтамвил аз 12 то 10 дарсад поин бурда шудааст.
Ёдрас мекунем, ки соли равон меъёри бозтамвил маротибаи дуввум аст, ки поин бурда мешавад. Моҳи феврали соли ҷорӣ меъёри бозтамвил аз 13,5 то 12 дарсад поин бурда шуда буд.
