Душанбе. 13-уми май. ОИ «Азия-Плюс» -Имрӯз дар ҷамъи рӯзномнигорон сардори раёсати рустанипарварии Вазорати кишоварзии ҶТ Саидмурод Баҳриддинов изҳор дошт, ки боронҳои шадиди муттасил ба бахши кишоварзии ҷумҳурӣ ба маблағи беш аз 43 млн. сомонӣ хисорот ворид сохтанд.
Ба гуфтаи ӯ, боронҳо беш аз 14 ҳазор гектар заминҳоро шустаанд ва аз ҳама бештар ба заминҳои кишти чигит зарар расонида шудааст. «Аз борон 5 ҳазору
390 гектар
заминҳои кишти чигит осеб диданд, ки 3,3 дарсади майдони пешбинишуда барои кишти пахта дар ҷумҳуриро ташкил дода, маблағи зарар ба 5 млн. 390 ҳазор сомонӣ баробар аст», – гуфт вай.
Номбурда гуфт, инчунин беш аз 3,6 ҳазор гектар заминҳои кишти зироати ғалладона, ҳудуди
700 гектар
кишти сабзавот,
124 гектар
кишти картошка ва
718 гектар
зироатҳои полизӣ низ зарар дидаанд. «Айни замон ҷиҳати дастгирӣ ва расонидани кӯмак ба ноҳияҳои осебдида бо вазорати рушди иқтсиод ва савдои ҷумҳурӣ ва ҳамчунин созмонҳои мададрасон гуфтушунид идома дорад», – афзуд С.Баҳриддинов.
