Душанбе. 28-уми июл. ОИ «Азия-Плюс» – Чанде пештар дар шаҳри Душанбе миёни Вазорати энергетика ва саноати ҶТ ва ширкати «
ANNA
Energy
Corporation
limited
» оид ба сохтмони нерӯгоҳҳои хурди барқии бодӣ дар Тоҷикистон Ёддошти тафоҳум ба имзо расид.
Чӣ тавре ки ба ОИ «Азия-Плюс» роҳбари хадамоти матбуоти вазорат Тоҷинисо Азизова иттилоъ дод, моҳи июли соли ҷорӣ мутахассисони кореягӣ ба корҳои таҳқиқотӣ шурӯъ хоҳанд кард. «Бунёди чунин нерӯгоҳҳо дар маҳалҳои дорои иқлими мусоид барои сохтмон, аз ҷумла ноҳияи Мурғоби ВМКБ, баъзе ноҳияҳои вилояти Хатлон ва ноҳияҳои тобеи марказ ба нақша гирфта шудааст», – гуфт ӯ.
Т.Азизова афзуд, дар ноҳияи Мурғоб бунёди чаҳор нерӯгоҳи хурди барқии бодӣ бо иқтидори умумии 1 ҳазор кВт/соат ва дар ноҳияҳои Балҷувон, Данғара, Файзобод ва Рашт яктогӣ бо иқтидори 250 кВт пешбинӣ мегардад.
