Душанбе. 28-уми май. ОИ «Азия-Плюс» – Имрӯз зимни мулоқоти вазири маорифи ҶТ Абдуҷаббор Раҳмонов бо намояндагони созмонҳои байнулмилалии мададрасони муқими Тоҷикистон масъалаи комёбиҳои ноилгардидаи бахши маориф дар ҳамкориҳои гуногунҷабҳа мавриди баррасӣ қарор гирифт.
Чӣ тавре ки ба ОИ «Азия-Плюс» сухангӯи вазорат Ноилшо Миралиев иттилоъ дод, вазир ба меҳмонон дар бораи самтҳои афзалиятноки рушди соҳаи маориф маълумоти муфассал пешниҳод намуда, ба онҳо Барномаи давлатии рушди ин соҳа барои солҳои 2010-2015-ро муаррифӣ кард.
Ба қавли Н.Нуралиев, муовини сардори Раёсати сохтмони асосии вазорат ба ҳозирин оид ба ҳаҷми сармоягузорӣ ва саҳми созмонҳои мададрасон дар бахши сохтмони асосии ин соҳа гузориш пешниҳод кард. Дар ҷараёни мулоқот ҳамчунин ба масоили тарзҳои нави дастрасӣ ба таҳсил дар макотиби олии маълумоти касбӣ ва таъсиси Маркази миллии санҷиш (тестикунонӣ) таваҷҷӯҳ зоҳир карда шуд.
