Душанбе. 1-уми июн. ОИ «Азия-Плюс» – ҶДММ «Таком» (тамғаи тиҷоратии «Beeline») бахшида ба Рӯзи байнулмилалии ҳифзи кӯдакон барои тарбиятгирандагони кӯдакистонҳо, хонаҳои кӯдакон ва мактаб-интарнатҳо дар саросари ҷумҳурӣ чорабиниҳои ҷашнӣ доир месозад.
Чӣ тавре ки ба ОИ «Азия-Плюс» аз хадамоти матбуоти ширкат иттилоъ доданд, дар хонаи кӯдакони шаҳри Чкаловск барои тарбиятгирандагон намоишномаи театрикунонидашуда ва зиёфат ташкил гардида, ба онҳо аз ҷониби ширкат тӯҳфаҳо ва сарулибос тақдим карда мешавад.
Зикр гардид, ки дар кӯдакистони рақами 5-и шаҳри Хоруғ ва мактаб-интернати ноҳияи Восеъ бо ибтикори кормандони ширкат озмунҳо доир гардида, кӯмакҳои башардӯстонаи иборат аз маводи ғизоӣ супурда мешавад.
