Душанбе. 1-уми июн. ОИ «Азия-Плюс» – Пагоҳ дар Душанбе бо иштироки намояндагони ҳукумат, мақомоти шаҳрдории пойтахт, соҳибкорони ватанӣ ва аҳли ҷомеа як қатор иншооти таъиноти гуногун мавриди истифода қарор мегиранд.
Чӣ тавре ки ба ОИ «Азия-Плюс» сухангӯи раиси шаҳри Душанбе Шавкат Саидов иттилоъ дод, дар маҳаллаи Лучоб бинои мактаби нави таҳсилоти умумӣ барои 640 нафар хонанда, дар хиёбони Ҳофизи Шерозӣ манзили зисти 9-ошёна ва дар кӯчаи Мирзо Турсунзодаи пойтахт Маркази замонавии хизматгузорӣ мавриди баҳрабардорӣ қарор хоҳад гирифт.
«Бинобар баргузории чорабиниҳои номбурда аз соати 7 то 10-и субҳ ҳаракати нақлиёт дар кӯчаи Мирзо Турсунзода то хати буриши кӯчаҳои Фотеҳ Ниёзӣ ва Шириншо Шотемур манъ мегардад», – афзуд Ш.Саидов
