Душанбе. 5-уми июн. ОИ «Азия-Плюс» – Чанде пештар дар мавзеи Сари-Чашмаи ноҳияи Шӯрообод, ки дар наздикии марзи Тоҷикистону Афғонистон воқеъ аст, кормандони мақомоти ҳифзи ҳуқуқи ҷумҳурӣ сокини вилояти Бадахшони Афғонистон Баҳриддин валади Маҳмадназарро бо 7 кило маводи мухаддир ва автомати Калашников боздошт намуданд.
Дар зарфи панҷ моҳи соли ҷорӣ аз ҷониби кормандони мақомоти қудратии кишвар 1 тоннаву 249 кило маводи мухаддир мусодира карда шуд, ки дар муқоиса бо ҳамин давраи соли гузашта 284 кило зиёдтар аст.
