Хуҷанд. 5-уми июн. ОИ «Азия-Плюс» – Табибони Кореяи Ҷанубӣ баҳри муолиҷаи ройгони беморон ба вилояти Суғд меоянд.
Чӣ тавре ки ба ОИ «Азия-Плюс» аз маркази миссионерӣ иттилоъ доданд, ҳайати табибони кореягӣ аз 15 нафар иборат буда, онҳо бо худ ҳамчунин доруворӣ низ меоранд, ки он низ бепул тақсим карда хоҳад шуд.
Бино ба иттилои манбаъ, табибон дар шаҳрҳои Хуҷанду Чкаловск ва Конибодом дар муддати як рӯз беморонро ташхис намуда, ба онҳо оид ба муолиҷаи бемориашон маслиҳату тавсияҳои судманд хоҳанд дод. «Табибони кореягӣ якчанд маротиба ба вилояти Суғд ташриф оварда, дар яке аз сафарҳо 53 ҷарроҳии чашм гузаронида буданд», – афзуданд дар маркази миссионерӣ.
