Хуҷанд. 20-уми июн. ОИ «Азия-Плюс» – Дар шаҳри Хуҷанд чорабинии навбатии зидди нашъамандӣ таҳти унвони «Бидуни маводи мухаддир» оғоз гардид.
Чӣ тавре ки ба ОИ «Азия-Плюс» аз Раёсати АНМН дар вилояти Суғд иттилоъ доданд, рӯзи 18-уми июн бо ташаббуси раёсат дар ҳамдастӣ бо раёсати кор бо ҷавонон, врзиш ва сайёҳии вилоят ва ҳамчунин ҶДММ «Сорбон» бахшида ба Рӯзи байнулмилалии мубориза бо маводи мухаддир (26-уми июн) чорабиниии навбатии зидди нашъамандӣ гузаронида шуд.
«Дар нақлиёти мусофирбари шаҳри Хуҷанд лавҳаву шиорҳои таблиғоти зидди нашъамандӣ гузошта шуда, ҳамчунин маводи таблиғотии пешбурди тарзи ҳаёти солим низ паҳн карда шуд», – гуфтанд дар раёсат.
