Душанбе. 27-уми июл. ОИ «Азия-Плюс» – Барои анҷоми пурраи корҳои сохтмонӣ дар нақби «Истиқлол» 6 млн. $ маблағ зарур аст.
Чӣ тавре ки ба ОИ «Азия-Плюс» директори лоиҳаи «Сохтмони роҳи автомобилгарди «Шоҳон-Зиғар» Исмонқул Шоқулов иттилоъ дод, ҳукумати Эрон ин миқдор маблағро ҷудо карданист ва он баҳри насби асбобҳои равшанидиҳанда ва низоми ҳавософкунии нақб равона хоҳад гардид.
«То имрӯз аз ҳаҷми умумӣ 1 млн. $ маблағ ҷудо шудааст, ки ба он таҷҳизоти равшанидиҳанда харидорӣ мешаванд», – гуфт ӯ.
