Душанбе. 16-уми август. «Азия-Плюс» — | Имрӯз президенти Тоҷикистон Эмомалӣ Раҳмон ба Вилояти Мухтори Кӯҳистони Бадахшон сафар кард.
Дар ВМКБ сарвари давлат бо вазъи иҷтимоиву иқтисодӣ ва ҳамчунин ҷараёни баргузории ислоҳот дар бахшҳои гуногуни иқтисоди вилоят аз наздик ошно хоҳад гардид.
Дар ҷараёни сафар Эмомалӣ Раҳмон аз шаҳри Хоруғ ва як қатор ноҳияҳои ВМКБ боздид намуда, дар маросими ифтитоҳи иншооти ба ифтихори таҷлили ҷашни 20-умин солгарди истиқлоли давлатӣ бунёдгардида ширкат хоҳад варзид.
Ҳамчунин сарвари давлат бо фаъолони вилоят ҷаласа доир хоҳад сохт, – гуфтанд дар хадамоти матбуоти сарвари давлат.
Интизор меравад, ки зимни ҷаласа ва вохӯриҳо ба масоили рушди бахшҳои гуногуни иқтисод ва сохторҳои иҷтимоӣ ва ҳамчунин инкишофи имконоти соҳаи сайёҳии минтақа таваҷҷӯҳи хосса зоҳир хоҳад шуд.
