Сӯхторе, ки шоми дирӯз дар яке аз ангарҳои корхонаи истеҳсоли арматураи шаҳри Душанбе рух дод, нимаи дуввуми шаб хомӯш карда шуд. Дар хомӯш кардани сӯхтор якчанд дастаҳои оташнишонӣ иштирок карданд.
Бар асари сӯхтор як ангари холӣ пурра нобуд шуда, талафоти ҷонӣ ба қайд гирифта нашудааст.
Тавре аз Сарраёсати хадамоти оташнишони Вазортаи корҳои дохилии ҷумҳурӣ хабар доданд, бо супориши сардори хадамоти мазкур ҷиҳати муайян кардани сабабҳои сар задани сӯхтор ва ҳаҷми хисороти расида комиссияи махсус таъсис дода шуд. Комиссияи мазкур аз субҳи имрӯз дар макони ҳодиса ба фаъолият пардохт.
