Дар зарфи чор моҳи соли равон ба Тоҷикистон аз 27 кишвари дунё кӯмаки башардӯстона ворид гардид. Маблағи умумии кӯмак беш аз 27,7 млн. доллари ИМА-ро ташкил дод.
Бино ба маълумоти Агентии омори ҷумҳурӣ, дар байни кишварҳо-донорон вазни нисбатан хос аз рӯи арзиш ба ИМА – 44,8%, Русия – 11,7% ва Миср – 7,6% рост меояд.
Дар ин давра ба сифати кӯмаки башардӯстона ба ҷумҳурӣ беш аз 4,1 ҳазор тонна орд ба маблағи зиёда аз 1,6 млн. $, 187 тонна равғани рустанӣ ба маблағи 341 ҳазор $, воситаҳои дорувориву таҷҳизоти тиббӣ ба маблағи умумии 17,2 млн. $, сарулибос ва пойафзол ба маблағи 328 ҳазор $, дигар маҳсулоти ғизойӣ, кӯрпаву кампал, таҷҳизоти барқиву компютерӣ ва ғайра ворид гардиданд.
