Дар минтақаи шарқи ҷумҳурӣ як автомашина ба дарёи Панҷ сарозер рафта, ронанда ва мусофири он то ҳанӯз дарёфт нашудаанд.
Тавре аз Вазорати корҳои дохилии ҷумҳурӣ хабар доданд, ҳангоми ҳаракат дар роҳи мошингарди Душанбе-Кӯлоб-Дарвоз-Хоруғ дар қаламрави ноҳияи Дарвоз ронандаи автомашинаи тамғаи «Дулон» сокини шаҳри Душанбе Шоҳмурод Давлатқадамови 40-сола аз ӯҳдаи идораи воситаи нақлиёт набаромада, он аз баландии 50-метр ба дарёи «Панҷ» чаппа шудааст.
«Дар натиҷа ронандаи автомашина ва мусофири он Гулбоз Шоҳзуҳурови 28-сола дар рӯдхона ғарқ шуда, ҷустуҷӯи ҷасади онҳо то ҳол идома дорад», – гуфтанд дар вазорат.
