Мақомоти шаҳрдории Душанбе барои ишғоли мансабҳои холии маъмурии хизмати давлатӣ дар Раёсати сармоягузорӣ ва идораи амволи давлатӣ, шуъбаи рушди иҷтимоӣ ва робита бо ҷомеа, шуъбаи ташкилӣ, нақлиёт, роҳу коммуникатсия, шуъбаи умури дин, меҳнат ва ҳифзи иҷтимоии аҳолии ҳукумати пойтахт озмун эълон кард.
Тавре ба ОИ «Азия-Плюс» аз мақомоти шаҳрдории пойтахт иттилоъ доданд, озмун то 15-уми ноябр идома ёфта, натиҷаҳои он на дертар аз 20-уми ноябри соли равон эълон хоҳанд шуд. Шахсоне, ки хоҳиши иштирок дар озмунро доранд, метавонанд тавассути телефонҳои 221-62-56 ва 221-62-84 ба шуъбаи кадрҳои мақомоти шаҳрдорӣ муроҷиат намоянд.
Зимнан таъкид гардид, ки ба довталабоне, ки то соли 1992 макотиби олии ҷумҳуриро хатм намудаанд ва ё дар хориҷи кишвар дорои маълумоти олӣ гардида, таҷрибаи кории роҳбарикунанда аз рӯи ихтисос доранд, афзалият дода мешавад.
