Вазири корҳои хориҷии ҷумҳури Ҳамрохон Зарифӣ дар шаҳри Париж бо сафирони Тоҷикистон, ки дар кишварҳои аврупоӣ ва дар назди созмонҳои байналмилалӣ, аз ҷумла СММ ва САҲА, аккредитатсия шудаанд, ҷаласаи корӣ доир намуд.
Зимни нишаст Вазири корҳои хориҷии Тоҷикистон ҳисоботи муфассалро дар бораи фаъолияти анчомдодашудаи намояндагиҳои дипломатӣ дар соли 2012 шунид. Ба сафирон пешниҳодҳои мушаххас оид ба таҳкими ҳамкории Тоҷикистон бо кишварҳои Аврупо ва созмонҳои байналхалқӣ, бахусус СММ ва САҲА дода шуданд.
Вазир дар самти фаъолияти намояндагиҳои дипломатии Тоҷикистон дар соли 2013 вазифаҳои мушаххасро муайян кард.
