Чанде қабл бо иштироки ҳайати бритониёӣ таҳти сарварии узви Палатаи Лордҳои Парлумони Британияи Кабир, баронесса Вивйен Стерн дар шаҳри Душанбе маросими ифтитоҳи маркази омӯзишӣ барои кормандони низоми иҷрои ҷазо дар заминаи Сарраёсати иҷрои ҷазои ҷиноятии Вазорати адлия баргузор шуд.
Қобили зикр аст, ки Британияи Кабир баҳри таъмини маркази мазкур бо 10 таҷҳизоти компютерӣ ва мебел 15 ҳазор фунт стерлинг маблағ ҷудо кард.
Зимни суханронӣ дар ин маросим Вивйен Стерн изҳор намуд, ки дар саросари ҷаҳон муассисаҳои ислоҳӣ ба мушкилот мувоҷеҳанд ва кормандони ин бахш бояд ҳамеша донишу малакаҳои худро такмил диҳанд.
Ваколатдор оид ба ҳуқуқи инсони Тоҷикистон Зариф Ализода таъкид дошт, ки ифтитоҳи марказ барои ҳама муфид буда, соли гузашта худи ӯ бо кормандон ин бахш якчанд тренингҳо доир намудааст ва аз серкории беҳад зиёди онҳо ба хубӣ воқиф мебошад.
Муовини сардори Сарраёсати иҷрои ҷазои ҷиноятии Вазорати адлияи ҶТ Баҳром Абдулҳақов илова намуд, ки зимни машғулиятҳо дар марказ меъёрҳои байнулмилалӣ дар соҳаи ҳифзи ҳуқуқи инсон ва ҷорисозии он дар амал корбурд хоҳанд шуд.
