Аз оғози соли равон дар Тоҷикистон беш аз 20 корхонаи нави саноатӣ мавриди истифода қарор гирифтанд.
Тавре хадамоти матбуоти Вазорати энергетика ва саноати ҷумҳурӣ иттилоъ медиҳад, дар корхонаҳои навбунёд ҳудуди 630 нафар шаҳрвандони кишвар бо ҷойҳои кории доимӣ таъмин карда шуданд.
Ба иттилои манбаъ, дар ин давра корхонаҳои нави сементбарорӣ дар ноҳияи Ёвон ва шаҳри Конибодом, хиштбарорӣ дар ноҳияҳои Спитамен, Ваҳдат, Ҷилликӯл, Мастчоҳ, Турсунзода, Рӯдакӣ, Сарбанд, қуму шағал дар ноҳияҳои Шӯрообод, Фархор, Хуросон, Рӯдакӣ, Ҳисор, шаҳри Ваҳдат ба истифода дода шуданд.
Зимнан зикр мегардад, ки айни замон сохтмони 4 корхонаи дигари саноатӣ идома дошта, то охири сол фаъол гардонида мешаванд.
