Дар мусобиқоти силсилаи Гран-при оид ба дзюдо, ки рӯзҳои 5-6-уми октябр дар шаҳри Тошканд доир гардид, варзишгарони тоҷик ду медали биринҷӣ ба даст оварданд.
Дар вазни то 90 кило Комроншоҳи Устопириён ва дар вазни беш аз 100 кило Муҳаммад Абдураҳмонов ба ин комёбӣ ноил гардиданд.
Қобили зикр аст, ки дар ин мусобиқот дастаи Тоҷикистонро ҳамчунин дзюдочиён Табризшо Парпишоев, Саидмухтор Расулов (ҳарду дар вазни то 73 кило), Фарҳод Раҳимов ва Саидҷалол Саидов (ҳарду дар вазни то 81 кило) намояндагӣ карданд, вале дар марҳилаҳои нахусти мусобиқот ба шикаст аз ҳарифони худ дучор гардиданд.
Гуфта мешавад, маблағи мукофотпулии мусобиқот 100 ҳазор доллари ИМА-ро ташкил дода, дар сурати ҳунарнаиоии хуб варзишгарон ба имтиёзҳои рейтингӣ соҳиб мешаванд. Ин имтиёзҳо дар интихоби варзишгар барои иштирок дар Бозиҳои олимпӣ ба инобат гирифта мешаванд. Дар мусобиқот 150 нафар варзишгарон аз 21 кишвари дунё ширкат варзиданд.
