Додгоҳи ноҳияи Исмоили Сомонӣ мурофиаи парвандаи Баҳромиддин Шодиевро, ки тирамоҳи соли гузашта дар боздошт даргузашт, ба 18-уми ноябр мавқуф гузошт.
Тавре дар суҳбат ба рӯзноманигорон судя Ҳотам Раҷабов гуфт, аз сабаби ҳозир нашудани намояндагони Вазорати корҳои дохилӣ ба мурофиаи судӣ, он ба рӯзи дигар гузаронида шуд.
Ниёзбӣ Бӯриева, модари
Баҳромиддин Шодиев
мегӯяд: «Намояндагони Вазорати корҳои дохилӣ ба ман пешниҳод карданд, аз баҳри даъвоям гузарам, то ин ки Абдураҳмон Додов ва Алишер Иноятов – кормандони шуъбаи корҳои дохилии ноҳияи Шоҳмансур тавонанд дубора ба кори худ баргарданд».
Модари Баҳромиддин Шодиев мегӯяд, ки ӯ ба ин пешниҳоди ВКД розӣ нест ва то охир даъвои худро мебарад.
